సక్సెస్ తెచ్చిన సంతోషం .. పారిస్ కి ఫ్యామిలీతో మహేశ్

కొంతకాలంగా మహేశ్ సరైన హిట్ కోసం ఎదురుచూస్తున్నాడు. ఈ సినిమాకి ముందు చేసిన రెండు సినిమాలు భారీ పరాజయాలుగా నిలవడంతో ఆయన ఈ సినిమాపైనే ఆశలు పెట్టుకున్నాడు. అందువల్లనే ఎప్పుడూ లేనంత టెన్షన్ ను ఈ సారి అనుభవించానని మహేశ్ బాబు స్వయంగా చెప్పాడు.

ఈ సినిమా అంచనాలకి మించి వసూళ్లను సాధిస్తూ ఉండటంతో .. అభిమానులను కూడా సంతృప్తి పరిచినందుకు మహేశ్ ఫుల్ ఖుషీ అయ్యాడు. అందువల్లనే ఆయన ఫ్యామిలీతో కలిసి సరదాగా గడపడం కోసం పారిస్ వెళ్లాడు. ఈ విషయాన్ని తెలియజేస్తూ నమ్రత శిరోద్కర్ ఒక ఫొటోను ఇన్స్టాగ్రామ్ లో పోస్ట్ చేసింది. అక్కడి నుంచి తిరిగొచ్చిన తరువాత, వంశీ పైడిపల్లితో కలిసి మహేశ్ సెట్స్ పైకి వెళ్లనున్నాడు.